本田全新旗艦 SUV 來襲，專為東南亞市場打造！

如果你留意過幾年的汽車市場變化，就會發現本田喺亞洲面對嘅競爭已經同過去完全唔同。以前提到家庭 SUV，好多人第一時間諗到嘅都係 CR-V、HR-V 等經典車款，但隨住越來越多中國品牌強勢進駐市場，消費者嘅選擇變得更多，亦令本田必須加快產品佈局。

根據海外媒體消息，本田正在開發一款全新嘅三排七座 SUV，定位將高於現有嘅 CR-V，並有望稱為 Avancier，成為本田未來喺東南亞市場嘅旗艦 SUV。

同中國市場現有嘅冠道（Avancier）唔同，今次曝光嘅新車並非針對中國開發，而係以東南亞消費者需求為核心打造。消息指出，新車未來將喺泰國進行生產，預計最快 2027 年開始投產。

從目前曝光嘅資料嚟睇，呢款新車將會係一輛尺寸相當大嘅 SUV，車長約 4960 毫米、車寬 1950 毫米、高度約 1690 毫米，整體尺寸已經嚟到馬自達 CX-80 呢類大型七座 SUV 嘅級別。

動力系統會係呢款車嘅一大重點。消息指出，本田好可能直接放棄純燃油版本，只提供 Hybrid 版本，預計會搭載升級後嘅 e:HEV 系統，結合全新嘅 2.0L 四缸引擎配合更高輸出嘅電機，同時加入 S+ Shift 模擬換檔技術，令 Hybrid 車型喺加速時擁有更接近傳統變速箱嘅駕駛感受。

除咗動力升級之外，新車亦有機會採用本田正在開發嘅新一代中型模塊化平台。官方早前曾透露，呢套全新平台將擁有更輕量化嘅結構以及更高嘅剛性表現，為未來 Hybrid 同電動化車型做好準備。

而且呢款 Avancier 除咗面向東南亞市場之外，未來亦預計會喺日本銷售，並有望接替即將停產嘅 Odyssey 所留下嘅市場空缺。

對於本田嚟講，呢款車嘅重要性其實唔只係填補產品空缺咁簡單。因為目前不少中國品牌已經開始將大型 SUV 當成主力產品，好多車型甚至擁有六座、七座佈局以及豐富嘅科技配備。因此，本田推出一款定位更高、空間更大嘅旗艦 SUV，可以話係順應市場需求嘅一步棋。

雖然距離正式亮相仲有一陣，但假如呢款 Avancier 未來會直接挑戰馬自達 CX-80、現代 Santa Fe，以及一眾中國品牌大型 SUV。